My Labonews - Latest comments on Free has its price

In response to: Free has its price

Joël [Visitor] — Thu, 12 Nov 2009 09:21:24 +0000

Ok, ech misst eigentlech schon ennerwee sinn, mä well main Téi nach emmer ze waarm ass, kann ech och nach e puer Zeilen schreiwen:

Jo, Léit/Studéierend déi net genuch finanziell Mettel hunn solle beim Wunnen vun der Allgemengheet ennert Aarm gegraff kréien. Do fannen ech de prêt okay-ish, och wann et net déi idealsten Situatioun ass. Awer besser wéi net kennen ordentlech studéiren, well een nirwebai an prekäre Verhältnisser schaffe muss.
Daat heescht awer net daat alles gratis sinn soll.

Punkto Zougansperren:

Eng allgemeng Saach ass d'Informatioun. Daat fänkt schon an der Primärschoul un, wou bei der Orientierung alles gemaach ged, just net ordentlech informéiert. (Esou hunn ech et ob manst an Erennerung)

Ech denken daat een vill Drock vun den Unien schpon alleng duerch gudd Informatioun vun "future etudiants" kéint huelen. Publizistik ass héi total voll, well se daat all studéiren wellen, mä vilaischt wier et anescht, wann se besser informéiert wieren waat et nach alles interessantes ged?
Daat ass een Punkt deen mengen ech ziemlech vernoléissegt ged, fir deen et roueg een europäescht Konzept kéint ginn, asw.

Zweetens sinn ech der Meenung, daat et méi fair (an dofir och besser fir d'Gesellschaft!) ass, wann jiddereen, deen well an en Diplom huet, deen hien zum Studium berechtegt, et därf probéiren. Et kéint een och villes, wann een déi sougenannt STEPS richteg géif benotzen, amplaatz just KO-Prüfungen ze maachen, an déi richteg Bunnen lenken.
Menger Meenung no ass et awer kloer daat N.C. och eng sozial Grenz duerstellen.

Bologona ass deelweis extrem schlecht emgesaat, de Grondgedanken waar jo net esou schlecht.

In response to: Free has its price

Charles Betz [Member] — Sun, 08 Nov 2009 14:20:31 +0000

Ech mengen et muss een vleicht um Rand nach e klengen Ënnerscheed man zwëscht enger gebildener Gesellschaft an enger déi en Uni Diplom an der Täsch hun. Bildung geet wäit iwert dat eraus, wats de an dengem klenge beschränkten Fachgebidd op enger Uni léiers. An der Philo ass dat vleicht anescht, zumindest hun ech bei eis dat Gevill. Ech mengen wat ee méi Akademiker huet, wat ee méi Leit huet déi mengen se wéissten "bescheed". Ech fannen datt eng Unisausbildung méi wéi all aner zu Fachidioten ka féiren (ech gesin et bei mir selwer).
Mäin Punkt war datt beim beschte Wëllen verschidden Leit einfach net dat geeschtegt Potential zu sou enger Ausbildung hun. Ech ka schlecht beuerteelen wéivill Prozent dat sin, mee dat och net sou wichteg. Ech denken déi Leit gin dann nach méi devaloriséiert an als "blöd oder faul" duergestellt.
Du hues effektiv Recht mat dengem Argument punkto Geeschteswessenschaften, ech hun dat ni sou betruecht.

In response to: Free has its price

Manuel [Visitor] — Sun, 08 Nov 2009 13:54:00 +0000

Wat d'Iwwerbevölkerung op den Unien betrefft, sou kann ech mer awer wierksam Mettel virstellen, déi Leit fernhale kennen, déi just Vakanz maache kommen.

Op dir anerer Säit, fannen ech eng Verakademiséierung vun der Gesellschaft awer och net onbedéngt negativ. Eng Massebildung géif natierlech dozou féieren, datt de soziale Status vum "Geléierten" ofhellt. Dat géif wuel dozouféieren, datt déi Berufer och sozial "entwertet" ginn, op dir aner Säit kéint et dozou féieren, datt eng akademesch Lafbunn manner wéinst dem Status a méi aus Iwwerzeegung gewielt get, wat jo gutt ass. A letztendlech, vill gebilde Leit kenne jo awer kaum enger Gesellschaft schueden.

Ech verstin an deem Kontext elo och net ganz, wisou et ennert deenen Emstänn e sozialen Zwang sollt ginn, fir "dobäi ze gehéieren".

Wa mer vun gratis Bildung schwätzen, da muss ee jo awer och bedenken, datt - zumindest an Däitschland - dat an der Vergaangenheet jo awer usazweis bestaan huet (an och an anere Gesellschaften). Dat ass jo elo kee Gesellschaftsexperiment.

Mee ech sinn och dogéint, datt einfach jiddereen no dem Abi soll op eng Uni spadzéiere kennen, 4 Joer Vakanz man, an dann iegendeppes schaffe goen. Dat ass natierlech en zimmlech onverantwortlecht Verhalen, dat net gefördert sollt ginn. D'Kritere sollten awer op allefall am Beräich vum Talent an der Motivatioun leien, a net an der finanzieller Flessegkeet vum Elterenhaus.

Wat d'Sennhaftegkeet vum Bachelor an Natur- a Geeschtegswessenschaften betrefft, ginn ech der awer net Recht.

Ech kann et natierlech net aus der Siicht vum Naturwessenschaftlech beurdeelen, mee ech ka mer awer virstellen, datt een mat engem BA an Chemie oder Informatik beruflech eppes wäertvolles ausübe kann. Wann ech elo bei de Geeschtegswessenschaften d'Extreembeispill huelen, d'Philo, do kanns de beruflech iwwerhaapt näischt man. Fir Philosprof, wous de een zollit Basiswesse muss hunn, ginn 3 Joer absolut net duer, an och fir den akademesche Betrieb net, well eng Spezialiséierung onméiglech ass an deem Zäitrahmen. Fir op de Punkt ze kommen: 3 Joer Philo-Basisstudium sinn total sennlos. Entweder et mecht een do de volle Programm oder guer näischt. Dat selwecht gelt wuel och - wann och vläit net grat sou streng - fir d'Sozialwessenschaften. Dobäi kennt dann nach d'Problematik vum straffen an onflexibelen BA-Kader.

Wat ech einfach schlemm fannen, ass datt een sämtlech Fächer probéiert, an een fixt Konzept ze pressen, an dobäi guer net op d'Ennerscheeder tescht deene Fächer oppasst. De BA/MA mag fir naturwessenschaftlech an technesch Fächer e sennvollt Konzept sinn, mee wisou mussen déi aner Fächer de selwechte Wee goen? D'Ziel war et jo, an Europa d'Diplomer iegendwéi ze vereenheetlechen, wat jo och ganz sennvoll ass, mee dofir muss ee jo awer net d'Fächer vereenheetlechen. Et hätt ee jo kéinten e Konzept fir d'Naturwessenschaften an e Konzept fir d'Geeschtegs- a Sozialwessenschaften ausschaffen.

@Grommel

Ech mengen déi 2 éischt Froen hunn ech scho méi oder manner hei elo beäntwert.

Wat d'Wunne betrefft. Ech denken net, datt et sollt prinzipiell gratis sinn (ausser fir sozial schwaach Leit), mee dat et emmer eng genügent Offer u Studentewunninge sollt ginn, déi och allgemeng bezuelbar sollte sinn (also ausserhalf vum Marché).

Fir Profiteuren oder Sozialschmarotzer fern ze halen, sollt een a reegelméissegen Ofstänn einfach gewesse Leeschtungen erfelle mussen op der Uni. Dofir ass ee jo do.

In response to: Free has its price

Charles Betz [Member] — Sun, 08 Nov 2009 10:54:25 +0000

Manuel, ech gin der a ville Punkten recht. Ech fannen trotzdem den Motivatiounsfaktor net onbedeitend. Fir eng massiv verakademiséirung vun der Gesellschaft entgéintzewierken, denken ech awer datt déi geeschteg Evaluatioun net duergeet. Ech kennen genuch Leit hei op den Unien déi geeschteg dat mat lenks packen, an trotzdem nemmen studéiren fir net direkt brauchen an déi ustrengend Beruffswelt ze trieden. Dann hun se hieren BA/MA an gin trotzdem duerno op e Beruf schaffen, wou se null vun deem geléierten uwenden (zB an iergentengem Standart Bureaujob). An deer Zäit awer wou de Staat datt 100'000en an se gestach huet, hun se anren Leit hier Plaatz eweg geholl, déi vleicht méi motivéiert (wann och manner "intelligent") waren. Gleichberechtegung an Usproch op Wëssen ass imens wertvoll, ech gin der voll a ganz Recht. Ech färten awer datt déi ugestreben Fierstellungen zu engem System féiren, wou et zu méi krassen sozialen Ënnerscheeder kent wéi bis ewell. Kloer ass et objektiv schéin wann emmer méi Leit "Zougang zu Wëssen" kréien, wann et dat ass wat fir dech studéiren bedeit. Wann et awer bis Standart ass, datt een als Normalbierger opmannst muss e Bachelor oder Master gemach hun (ouni déi erléiert Fähegkeeten tatsächlech missen unzewenden), riicht een sech domat net automatesch géint all déi Leit déi bei hierem beschten Wëllen en Studium einfach net keinten packen, an sech dann vleicht an engem (gratis) System drop man, nëmmen well ee muss studéiert hun fir dozou ze gehéieren. Ech wees, ech lenken vum Thema oof, mee ech fannen et ass e wichtegen Punkt. Kloer ass et keen bessert Argument, Leit duerch finanziell amplaatz vun intellektuellen Spären dovun oofzehaalen. Ech sin eben einfach der Mehnung datt wann een e Studium ufänkt, een eng gewëssen Verantwortung matiwerhelt. Ech färten eben einfach datt eng gratis Weiderausbildung och zu enger (ongewollter) Devaloriatioun vun deser Ausbildung féiert, an et an puer Joer dann och schon net méi duergeet en Bachelor an e Master an der Täsch ze hun. Ech perséinlech hu kee Problem domat, ech froen mech einfach wat fir Auswierkungen dat op eis Gesellschaft an Economie huet. Ech wees et jo net wierklech, mee ech denken datt een net sou e groussen Ënnerscheed ass ob een lo en Grondstudium (Bachelor) an engem techneschen Gebidd oder an de Geeschtegswessenschaften mecht. Et ass EMMER onméiglech alles unzeschwätzen an op individuell Bedürfnisser anzegoen. Et soll der jo just knapps eng Iwersiicht iwert deng Méiglechkeeten gin, wweéis de duerno kans weiderman. Wéi gesot, ech wwar mat ee vun den éischten hei zu Basel am Bachelor Master System an kann mech net bekloen. Et ass also méiglech. Ech mengen verschidden Unien machen sech d'Liewen bessi einfach an schieben all déi Verantwortung weider op Bologna...

In response to: Free has its price

Grommel [Visitor] — Sun, 08 Nov 2009 10:52:34 +0000

@manuel:

D'Studéieren soll einfach radikal fir jidereen (deen den Numerus Clausus packt) gratis ginn? Also vum Staat bezuelt?

A wann d'Studéieren gratis ass, wéi verhënners de dass Läit just studéieren ginn well se soss net wëssen wat se maachen sollen? An et jo gratis ass.

Wat hëlls de dann vum Joel sengem Argument, dass och d'Wunnen fir Studenten etc misst ennerstëtzt, resp. gratis ginn? (A joel, falls dat net ass, wats de gemengt hues, dann kanns de dat jo lo villäicht richteg stellen ...)

In response to: Free has its price

Manuel [Visitor] — Sun, 08 Nov 2009 10:28:30 +0000

@Charel, wann een probéiert d'Chancegläichheet (aus finanzieller Siicht) ze garantéieren, andeem de sozial schwaache Leit ennert d'Ärm gegraff soll ginn, da kanns de et jo awer och vu vir eran gratis man, bzw. reng iwwer Steiergelder finanzéieren. En plus huet dat de Virdeel, datt de Student net dovun ofhängeg ass, wat d'Elteren investéiere wellen an séng Bildung. Dat virun allem och mat Bléck op Leit, déi net vu Staatshellef ofhängeg sinn.

Wann dat dozou féiert, datt zevill Leit op der Uni sinn, dann kanns de deem nach emmer mat numerus clausus oder Opnahmeexamen entgéintwierken, wou d'Leit dann no geeschtege Kriterien a net no finanziellen "gefiltert" ginn.

Allgemeng denken ech, datt Bildung nieft Gesondheet, zu den hechste Güter an enger Gesellschaft gehéiert, an datt béides jidderengem gläichermoossen an an hechstméiglecher Qualitéit - fräie Marché hin oder hier - zur Verfügung stoe sollt.

Souwäit ewéi ech et matkritt hunn, geet et bei de Studenteprotester jo och net just em d'Gebühren, mee och em d'Qualitéit vum Studéieren, déi duerch BA/MA ganz iwwel a Matleedenschaft gezu get. Dat ganzt schéngt jo eher op eng "Massenhirstellung vu Fachkräften" erauszelaafen. Während dat an techneschen oder naturwessenschaftleche Fächer jo vläit nach funktionéieren kann, sou absurd ass et an de Geeschtegswessenschaften. Bei mär an der Philo zB laafen d'Profen genau sou Stuerm ewéi d'Studenten, well et absolut onméiglech ass e Philostudium am Kader vun engem Bacherlor-Studiegang emzesetzen. 3 Joer gi knapps duer fir d'Grondlagen, an de straffe Kader erlaabt et kaum, individuell Schwéierpunkter auszeschaffen, wat awer d'Viraussetung vum Philostudium ass.

Alles an allem sinn ech op allefall frou, datt ech gläich fäerdeg sinn a just déi éischt kleng Böhen vum Ba/MA-Desaster materliewt hunn.

In response to: Free has its price

Grommel [Visitor] — Sat, 07 Nov 2009 17:35:56 +0000

Joel:

Du soos "Bildung soll frai sinn, fir daat jiddereen déi selwescht Chancen huet."

Dat implizéiert, dass opmanst mol d'Uni usech sollt gratis sinn, nee?

An dann soos de nach "En plus muss de Bedenken daat een och muss kennen wunnen an iessen, waat fir vill Leit och mat engem Prêt einfach net meiglech ass."

Wat ass dann do d'Léisung? Ausser déi Saachen och nach vum Staat finanzéieren ze loossen? Well anescht hunn déi Läit jo keng Méiglechkeet fir studéieren ze goen?

In response to: Free has its price

Joël [Visitor] — Sat, 07 Nov 2009 13:47:28 +0000

"Hunn ech dech lo richteg verstan, dass du fënns, dass Studéieren (plus Wunneng, etc) prinzipiell sollt gratis sinn?"

Nee, hues de net. Ech hu just gesoot, daat Studiengebühren/beiträg net déi enzeg Käschte sinn, déi Studéierend hunn. Verstees du, daat een keng Loscht kann hunn, mat dir ze disktutéiren, wëll een schon no engem Saatz vun dir d'Gefill kritt, dass du endweder a) net liese kanns oder b) engem d'Wierder am Mond verdreins?